Kalu Rinpoche Aspiration Prayer for Translators – Tibetan Version

༄༅། མ་ནམ་མཁའ་དང་མཉམ་པའི་སེམས་ཅན་ཐམས་ཅད་དང་།

ཁྱད་པར་དུ་འཛམ་གླིང་མི་ཡིས་འགྲོ་བ་མཐའ་དག་གི་དོན་དུ།

སོ་སོ་རང་གི་སྐད་ཡིག་ལ་རྟེན་ནས།

ལུང་དང་རྟོགས་པའི་བདག་ཉིད་ཅན་གྱི་དམ་པའི་ཆོས་རིན་པོ་ཆེ་དང་།

འཁོར་འདས་གཉིས་ཀྱི་གནས་ཚུལ་ཤེས་པའི་ཤེས་རབ་ཁྱད་པར་ཅན་རྒྱུད་ལ་སྐྱེས་ཏེ།

མི་ཤེས་པའི་མུན་པའི་ཚོགས་བཅོམ་ནས།

བཤད་སྒྲུབ་ལས་གསུམ་གྱིས་རང་གཞན་དོན་གཉིས་སྒྲུབ་སྟེ།

སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ།

དེའི་ཆེ་དུ་ཤེས་རབ་ཕུན་སུམ་ཚོགས་པའི་གཞུང་སྲང་བཟོད་པ་དང་བརྩོན་འགྲུས་གཉིས་ཀྱི་གོ་གྱོན་ཏེ

དོན་དང་ཚིག་དང་སྒྲ་བསྒྱུར་གྱི་ལས་ལ་འཇུག་པར་བགྱིའོ།

ལན་གསུམ་གྱིས་བྱང་ཆུབ་ཏུ་སེམས་བསྐྱེད།

དེ་ལྟར་བྱང་ཆུབ་མཆོག་ཏུ་སེམས་བསྐྱེད་པ་དེ་ཕྱིས་མའི་མཐའ་ཐུག་གི་བར་དུ།

མི་ཉམས་པ་བླ་མ་རྒྱལ་བ་སྲས་དང་བཅས་པ་དཔང་བོར་གསོལ་ཏེ།

དམ་དུ་བཅའ་བ་ལགས་ན་དེ།

དེ་བཞིན་དུ་རྒྱལ་བའི་སྲས་སུ་དགོངས་ཏེ།

བདག་སོགས་སེམས་ཅན་རྣམས་ཀྱི་རྒྱུད་ལ་ཤེས་རབ་གསུམ་སྣང་བ་རྒྱས་ཏེ།

བསྟན་པ་དང་འགྲོ་དོན་ནམ་མཁའ་དང་མཉམ་པ་འབྱུང་བར་བྱིན་གྱིས་བརླབ་པར་མཛད་དུ་གསོལ།།  །།